யாழ்ப்பாணம் இணுவில் பகுதியில் 3 பெண்கள் மீது வாள் வெட்டு

இணு­வில் சிவ­காமி அம்­மன் கோவி­ல­டி­யில் வீடு புகுந்து கொள்­ளை­யிட முயற்­சித்த கொள்­ளை­ய­ருக்கு பெறு­ம­தி­யான பொருள்­கள் எவை­யுமே கிடைக்­க­வில்லை.

 இத­னால் வீட்­டில் இருந்த 3 பெண்­கள் மீது வாள்­வெட்­டுத் தாக்­கு­தலை மேற்­கொண்­டு­விட்­டுக் கொள்­ளைக் கும்­பல் தப்­பித்­தது என்று தெரி­விக்­கப்­பட்­டது.

இணு­வில் சிவ­காமி அம்­மன் கோவி­ல­டி­யில் உள்ள ஆண் தாதிய உத்­தி­யோ­கத்­தர் ஒரு­வ­ரின் வீட்­டி­லேயே இந்­தச் சம்­ப­வம் நேற்­று­முன்­தி­னம் ஞாயிற்­றுக்­கி­ழமை அதி­காலை வேளை­யில் இடம்­பெற்­றது என்று பொலி­ஸார் தெரி­வித்­த­னர்.

“தாதிய உத்­தி­யோ­கத்­தர் இர­வுக் கட­மைக்­குச் சென்­று­விட்­டார். அதி­காலை 2 மணி­ய­ள­வில் ஓட்­டைப் பிரித்து வீட்­டுக்­குள் கொள்­ளை­யர்­கள் உள் நுழைந்­த­னர். வீட்­டின் சகல அறை­க­ளி­லும் நகை­கள் மற்­றும் பணம் உள்­ள­னவா என்று அவர்­கள் தேடி­னர். சமை­ய­ல­றை­ய­லி­ருந்த பாத்­தி­ரங்­க­ளை­யும் அவர்­கள் விட்­டு­வைக்­க­வில்லை. சங்­கிலி ஒன்­றும், மோதி­ரம் ஒன்­றும், இரு அலை­பே­சி­க­ளை­யும் அவர்­கள் கொள்­ளை­யிட்­ட­னர்.

தாதிய உத்­தி­யோ­கத்­த­ரின் மாமி­யார் இரத்­தி­னம் – சாந்­தினி (வயது–55) என்­ப­வரை தட்­டி­யெ­ழுப்பி கழுத்­தில் கத்­தியை வைத்து அச்­சு­றுத்தி நகை, பணம் எங்­கி­ருக்­கின்­றன என்று கொள்­ளை­யர்­கள் கேட்­ட­னர். அவ­ருக்கு அரு­கில் படுத்­து­றங்­கிய அவ­ரது மகள் கார்த்­திகா எழுந்து கூக்­கு­ர­லி­டவே அவ­ரின் தலை­யில் கத்­தி­யால் பல­மாக தாக்­கி­னர் கொள்­ளை­யர்­கள். இருப்­பி­னும் இவர்­கள் வாய் திறக்­காத கார­ணத்­தால் இரு­வர் மீதும் பல­மான தாக்­கு­தல் இடம்­பெற்­றுள்­ளது.

இவ்­வாறு சத்­தம் கேட்­கும் நிலை­யில் மற்­றொரு அறை­யில் இரு சிறு ­பிள்­ளை­க­ளு­டன் ரூபா (வயது–-35) என்­ப­வர் தூக்­கத்­தி­ லி­ருந்­தார். அவர் விழித்து தாயா­ரும் சகோ­த­ரி­யும் உறக்­கத்­தில் இருந்த அறையை நோக்­கிச் சென்­ற­வே­ளை­யில் அவ­ரின் கழுத்­தி­லும் வாளை வைத்து கொள்­ளை­யர்­கள் அச்­சு­றுத்­தி­னர். நகை, பணம் அனைத்­தை­யும் கொடுத்­து­விட்­டால் உயிர் பிழைப்­பீர்­கள் என்று கொள்­ளை­யர்­கள் அச்­சு­றுத்­தி­னர்.

எம்­மி­டம் எந்த நகை­க­ளும் இல்லை அனைத்­தும் வங்­கி­யில் அடைவு வைத்தே புதிய வீட்­டைக் கட்­டு­கின்­றோம் எம்மை ஒன்­றும் செய்­யா­தீர்­கள் என்று அவர்­கள் கத்­தி­யுள்­ள­னர்.

மூவர் மீதும் சுமார் அரை மணித்­தி­யா­லத்­துக்­கும் மேலாக கொள்­ளை­யர்­கள் பல­மா­கத் தாக்­கி­யுள்­ள­னர். இத­னால் அப­யக் குர­லெ­ழுப்­பவே அய­லில் உள்ள வீடு­க­ளில் மின் விளக்­கு­கள் ஒளி­ரச் செய்­யப்­பட்­டன. அத­னை­ய­டுத்தே கொள்­ளை­யர்­கள் தப்­பிச் சென்­றுள்­ள­னர். இருப்­பி­னும் வீட்­டில் இருந்த மூன்று பெண்­கள் மீதும் வாள் வெட்டு இடம்­பெற்­றது” என்று பொலிஸ் விசா­ர­ணை­யில் தெரி­விக்­கப்­பட்­டது.

இவ்­வாறு வாள்­வெட்­டுக்கு இலக்­கா­ண­வர் யாழ்.போதனா வைத்­தி­ய­சா­லை­யில் பணி­யில் இருந்த கண­வ­ருக்கு தொலை­பேசி அழைப்பை மேற்­கொண்டு நடந்த சம்­ப­வத்­தைக் கூறி­ய­த­னை­ய­டுத்து அவரே அய­லில் உள்­ள­வர்­க­ளுக்­கும் பொலி­ஸா­ருக்­கும் தக­வல் வழங்­கி­யுள்­ளார்.

இத­னை­ய­டுத்து அய­லில் உள்­ள­வர்­கள் அவர்­களை மீட்­ட­னர். சம்­பவ இடத்­துக்­குச் சென்ற பொலி­ஸார் காய­ம­டைந்த மூவ­ரை­யும் யாழ்ப்­பா­ணம் போதனா வைத்­தி­ய­சா­லை­யில் சேர்த்­த­னர். இந்­தச் சம்­ப­வம் தொடர்­பில் சுன்­னா­கம் பொலி­ஸார் மேல­திக விசா­ர­ணை­களை மேற்­கொண்டு வரு­கின்­ற­னர்.