பாகுபலி 2 படத்தை விட இப்படம் தான் சூப்பர் ஹிட்...?

தனுஷ் இயக்குனராக அறிமுகமாகி இருக்கும் பவர்பாண்டி படத்தின் டிரைலர் வெளியீட்டு விழா இன்று நடைபெற்றது. இந்த விழாவில் தனுஷ், ராஜ்கிரண் என படத்தில் முக்கிய வேடத்தில் நடித்திருக்கும் அனைவரும் கலந்து கொண்டனர்.
இந்நிகழ்ச்சியில் பவர் பாண்டி படத்தை தமிழ்நாட்டில் விநியோகம் செய்யும் ராஜராஜன் பேசும்போது, நான் தனுஷின் மிகப்பெரிய ரசிகன். எனக்கு தெரிந்த வரைக்கும் தனுஷை போல் தொடர்ந்து வெற்றி படங்களை கொடுப்பவர்கள் யாரும் இல்லை. பாகுபலி 2 படத்தை விட இந்த படம் கண்டிப்பாக வெற்றியடையும், நான் மிகவும் உறுதியாக கூறுகிறேன் என்றார்.
இவர் பாகுபலி 2 படத்தை தமிழ்நாட்டில் விநியோகம் செய்ய இருக்கிறார் என்பது குறிப்பிடத்தக்கது. அதோடு தனுஷின் பவர் பாண்டி டிரைலரும் வெளியாகி ரசிகர்களிடம் அமோக வரவேற்பை பெற்று வருகிறது.